Malia a que a lenda popular di que era unha araucaria, na realidade era un pinsapo a árbore que o pai de Otero Pedrayo plantou ao nacer o escritor na Casa Grande de Trasalba. Unha tormenta acabou con ela en 1972, catro anos antes da morte do patriarca galeguista, que considerou aquel feito coma un anuncio do seu propio final. En 1976, logo da morte de Pedrayo, os responsables da Fundación que leva o seu nome plantaron unha nova árbore no mesmo lugar, que ficou alí lembrando a historia ata que o temporal desta fin de semana acabo por derrubala. Canda a este destrozo, o vento causou danos no tellado da casa. A Fundación anunciou xa a súa intención de plantar unha nova árbore no lugar deixado por esta.
