O primeiro plenario da Academia Galega da Língua Portuguesa serviu para presentar algúns dos proxectos desta institución. Entre outros, a AGLP quere finalizar no vindeiro trimestre un vocabulario galego destinado a se incluír nos dicionarios comúns da lusofonía que se editarán logo do Acordo Ortográfico do Portugués. Segundo aseguraron desde esta entidade, a Academia Brasileira de Letras amosou o seu interese por incorporar este léxico aos dicionarios que se fagan en Brasil. A AGLP aproveitou a sesión para constituír unha comisión de planemanto e informática e adiantou que publicará unha colección de clásicos galegos en ortografía común lusa.
