Palabras galegas entran no Vocabulário Ortográfico da Língua Portuguesa

Oitocentos termos incorporáronse a esta publicación de referencia de Porto Editora

7/10/2009 | Santiago. Redacción | Seccións: lingua

39 lecturas | Compartido 0 veces

O último Vocabulário Ortográfico da Língua Portuguesa que publica Porto Editora inclúe 800 termos de léxico galego. A publicación presentábase hoxe no marco do Encontro de Lexicografía que a Academia Galega da Língua Portuguesa (AGLP) desenvolve en Compostela. Precisamente foi este colectivo o que presentara, o pasado mes de abril, unha proposta para incluír palabras galegas nos dicionarios da lusofonía. Na mesma xornada, o Profesor Evanildo Bechara, da Academia Brasileira de Letras, anunciou que esta institución tamén incluirá estas achegas léxicas no seu vindeiro Vocabulario Ortográfico.