Un estudo sobre o BNG gaña o premio Ramón Piñeiro de Ensaio

Un logo e tortuoso camiño: adaptación, crise e cambio no Bloque Nacionalista Galego é o título no que Xosé Ramón Quintana Garrido(Ourense, 1957) analiza a historia recente do BNG. Un traballo que acaba de ser recoñecido co premio Ramón Piñeiro de Ensaio, dotado con 6.000 euros e a publicación da obra a cargo de Galaxia. O xurado recoñeceu desta obra a “capacidade do autor para interpretar e reconstruír, con rigor intelectual e eficacia expositiva, o proceso recente do BNG”. Quintana é profesor da Universidade de Vigo e un especialista en historia política e historia social.