O bosque do Pazo de Cascaxide, en Silleda, supón a única presenza galega nos premios Arbore do Ano, que se deron a coñecer onte. Este espazo foi recoñecido na categoría de bosques ameazados. A propietaria do Pazo de Cascaxide presentou a comezos deste ano a solicitude para que este espazo fose declarado Espazo Privado de Interese Natural pola Xunta. De xeito curioso, na edición 2007 destes premios fora recoñecido na mesma categoría o Bosque da Fervenza, que presentara a mesma solicitude canda ao premiado este ano.
