A Xunqueira de Alba é o primeiro Espazo Natural de Interese Local

O espazo da Xunqueira de Alba, en Pontevedra, é o primeiro Espazo Natural de Interese Local de Galicia. O diario oficial de Galicia publica hoxe a aprobación do Plan de Protección deste espazo, que abrangue a confluencia dos ríos Rons e Lérez, cunha superficie de 67 hectáreas de humidais. Aínda que con anterioridade aprobárase que o espazo da Voutureira, en San Cibrao das Viñas, obtivese esta mesma declaración, finalmente os promotores non entregaron aínda o plan de protección necesario para completar o proceso de protección.