A obra cultural de Caixanova comezou en Vigo hai 25 anos. Un cuarto de século do que se teñen beneficiado máis de nove millóns de persoas, segundo explicou Julio Fernández Gayoso, presidente da entidade financeira, cando presentou a programación para este centro. “Compartindo ilusións” é o lema que agrupará todas as actividades conmemorativas, entre as que destaca unha exposición que repasará este percorrido. Un total de cen actividades que manteñen as súas liñas tradicionais de actividade (exposicións artísticas, música clásica e contemporánea, ballet, teatro galego e estatal) que se concreta en nomes como A Orchestra Sinfónica di Milano, o ballet de Sara Baras, Les Luthiers, Serrat ou Nena Daconte.
