Un total de sesenta e seis actividades que se desenvolverán nas oito grandes cidades galegas. O Xacobeo e mais Caixanova presentaban esta mañá a súa programación conxunta para o primeiro semestre de 2010. Entre as propostas, destaca especialmente o apartado dedicado á música clásica, con actuacións coma a Royal Philharmonic Orchestra, a Ópera Checa de Praga, a Real Filharmonía e a Orquestra Sinfónica de Galicia, ou a Orquestra Filharmónica Italiana, entre outras formacións. Canda a elas, a danza estará representada polo Ballet de Milano e mais o Ballet de LOpéra National de Bordeaux. O teatro e outra das grandes apostas desta programación, con obras coma El encuentro de Descartes con Pascal Joven, Shakespeare para ignorantes, Divinas Palabras ou As actas escuras de Roberto Vidal Bolaño.
En canto a exposicións, atopamos antolóxicas de Luís Seoane, Alfonso Costa e Acisclo Manzano, canda a propostas colectivas coma Telón de fondo, dedicada ao retrato de estudio en Galicia ou Álbum de Familia que recupera autores da talla de Picasso, Pisarro ou Modigliani. Voltando coa música, o programa complétase coa presenza de grupos coma Lovely Luna, Manos de Topo, Sugar Mountain, Niño y Pistola ou a xa anunciada Joan Baez.
En canto a exposicións, atopamos antolóxicas de Luís Seoane, Alfonso Costa e Acisclo Manzano, canda a propostas colectivas coma Telón de fondo, dedicada ao retrato de estudio en Galicia ou Álbum de Familia que recupera autores da talla de Picasso, Pisarro ou Modigliani. Voltando coa música, o programa complétase coa presenza de grupos coma Lovely Luna, Manos de Topo, Sugar Mountain, Niño y Pistola ou a xa anunciada Joan Baez.