Educación quere ampliar a apertura de centros fóra do horario lectivo

Empregar os centros de ensino fóra das horas de clases para desenvolver actividades extraescolares e de dinamización social. A Consellaría de Educación iniciou o pasado ano este programa de xeito xeneralizado, e agora pretende amplialo abrindo os colexios públicos tamén en vacacións. A conselleira, Laura Sánchez Piñón, facía onte balance desta iniciativa, destacando que se está a desenvolver na metade dos concellos do país e que afecta a 111.000 familias. En total, prevese un investimento de 3 millóns de euros para facilitar a dipoñibilidade destes espazos.