As figuras da Lalín Pork Art saen á venda a 3.500 euros

O concello de Lalín quere potenciar a Lalín Pork Art, a versión “galega” da Cow Parade. O seu alcalde, Xosé Crespo, presentou o proxecto desta experimental exposición artística que pretende arrincar o vindeiro 15 de febreiro, día da Feira do Cocido, nas rúas da localidade pontevedresa para logo ir de xira por diferentes localidades do Estado. Mimetizando o modelo da Cow Parade, o proxecto pretende que diferentes patrocinadores decoren os 25 porcos cos que comeza a iniciativa e que teñen un prezo de 3.500 euros.