Tatiana Medal faise co premio do VII Salón de Outono

A Real Academia Galega de Belas Artes outorgoulle os 12.000 euros do Gran Premio do Salón de Outono a Tatiana Medal por un cadro sen título. Desafiante infancia, de Luís López Gabu obtivo o segundo posto. Canda a estas, outras vinte e sete obras poderán verse entre o 27 de novembro e o 31 de decembro na sede da Fundación Caixa Galicia da Coruña durante o VII Salón de Outono. De xeito paralelo, a Deputación da Coruña organizará unha serie de conferencias encol da arte.