Caixa Galicia propón unha reflexión sobre o “estado da cultura" no seu vinte aniversario

Seis mesas redondas, seis cidades galegas (nas que a entidade ten sede) e 36 profesionais para reflexionar sobre o pasado, presente e futuro da cultura galega. É a proposta coa que a Fundación Caixa Galicia quere celebrar o seu vinte aniversario e que arrinca este sábado en Pontevedra co debate “20 anos de arte galega”. Por diante quedan unha serie de encontros que se centrarán nos desafíos e oportunidades que terá a literatura (Vigo, 14 de novembro), artes escénicas (Ferrol, 21 de novembro), audiovisual (Santiago, 28 de novembro), música (Lugo, 12 de decembro), arquitectura e urbanismo (Coruña).