O Centro Dramático Galego crea un web para promover a escrita dramática contemporánea

A partir do vindeiro mes de decembro, o Centro Dramático Galego activará un web na rede que pretende servir de epicentro da creación dramática actual. O web, segundo comunicou o CDG nunha nota de prensa, “aspira ao dobre obxectivo de ser a vía de acceso de referencia para medir o pulso da escrita dramática galega actual, ao tempo que de servir de plataforma de lanzamento para os creadores”. A novidade fíxoa pública a directora da compañía pública, Cristina Domínguez, no transcurso da Muestra de Teatro Español de Autores Contemporáneos, se celebra estes días en Alacante. Deste xeito, o CDG completa a súa promoción pola escrita dramática que iniciou con iniciativas como o curso anual Pistas para unha dramaturxia de actualidade.