O achegamento entre teatro e audiovisual marca o novo curso do Centro de Creación Dramática

O Centro Dramático Galego abriu a matrícula do segundo curso do seu Centro de Creación Dramática Contemporánea. Na oferta deste ano está o curso de escrita teatral “Pistas para unha dramaturxia da actualidade II”, dirixido por Cándido Pazó e “A escena aumentada: Galiza”, a cargo de Kònic Thtr. Esta última proposta pretende investigar as posibles relacións entre a escrita escénica e as linguaxes audiovisuais, o que abre unha nova liña que quere analizar conexións entre escena e novas tecnoloxías.