Maxia, música e, sobre todo, moita arte. Estes son os ingredientes da festa coa que o Museo de Arte Contemporánea de Vigo celebra esta fin de semana (15 e 16 de novembro) o seu sexto aniversario. Un amplo programa de actividades nun horario maratoniano (de 11 a 5 da madrugada do sábado e de 11 a 21 no domingo) para todos os públicos. Entre as actividades destaca, ademais dun espectáculo de maxia nas salas do centro, os proxectos para recuperar a historia do edificio (a actual, desde que é museo, ou a anterior cando era unha cadea) contada polos propios cidadáns.
