A Xunta aproba un decreto para axilizar o inventariado de bens patrimoniais

Ata o de agora, incluír un ben no Inventario Xeral do Patrimonio Cultural de Galicia rexíase polo establecido na Lei de Procedemento Administrativo. Sen embargo, na Lei de Patrimonio Cultural xa se contemplaba buscar unha ferramenta máis áxil para regular ese proceso. Pois ben, o Consello da Xunta de hoxe aprobou un Decreto que regula de xeito específico este tipo de bens e que inclúe o modelo de ficha cos datos a incorporar, a súa situación xurídica e a documentación gráfica que acompañará a solicitude. Ademais o Inventario Xeral vaise estruturar, a efectos xurídico-administrativos, en bens inventariados, catalogados e de interese cultural (BIC).