Roi é un rapaz que chega a casa para acender a súa videconsola e botar unha partida do seu xogo favorito Mortal Kombat. Esta escena, que é moi habitual nos fogares a día de hoxe, é a que recrea Game over o último espectáculo de Teatro Cachuzo para público familiar e infantil. Unha viaxe por un mundo cheo de grande plasticidade que a compañía recrea con coreografías, cancións e proxeccións de animacións. O espectáculo estréase este venres 3 no Salón Teatro e estará en cartel ata o domingo.
