Animales Artificiales chega a Galicia

Logo de pasar por Málaga, Portugal, Murcia, Xixón e próxima á súa presenza na Feira de Artes Escénicas, estréase en Galicia Animales Artificiales, a última produción da compañía Matarile Teatro. Cristina Domínguez, directora do Centro Dramático Galego, canda á directora do espectáculo, Ana Vallés e varios actores da obra, presentaban esta mesma mañá a obra no Salón Teatro de Compostela. Este escenario será o que acolla entre o 25 e o 28 deste mesmo mes catro representacións do espectáculo, que abre o ciclo de outono desta sede.