Entre o Bengali e o Hindi está o galego. Alomenos na web de Mozilla no apartado de descargas do popular navegador Firefox 3. A nova versión do navegador, que se anunciara para o 25 de xullo, xa se pode descargar no noso idioma. Agora ben, grazas ao traballo dun amplo grupo de voluntarios, está en fase “beta”, que pode durar arredor dun mes. Pasado ese tempo, o navegador galego estará xunto ás máis de corenta traducións en diferentes linguas do mundo.
