Pon o GPS a falar en galego... ou en vervo xido

Xa podes configurar o teu navegador Tomtom para que fale en galego ou no vervo xido, a fala dos canteiros. A aproveitar o estudio de gravación que puxeron en marcha para lanzar os seus audiolibros, Rinoceronte Editora pon a disposición do público os arquivos para mudar a lingua do navegador. Dúas voces en galego, unha masculina e unha feminina, e mais unha versión na lingua dos canteiros están xa dispoñibles, ben mediante o programa de actualización do aparello, ben descargando os arquivos que acompañamos.