Vigo converterase en outubro en sede europea da Marcha Mundial das Mulleres

A loita polos dereitos femininos será o fío común das mulleres que se reúnan en Vigo do 14 ao 20 de outubro. Nesas datas celebrarase na cidade olívica a VII Marcha Mundial das Mulleres que analizará os bens comúns, o acceso aos recursos e a soberanía alimentaria. O lema desta edición é “Cambiar a vida das mulleres para cambiar o mundo. Cambiar o mundo para cambiar a vida das mulleres”. Un foro, unha feira e un milladoiro para simbolizar a unión e forza das mulleres do mundo son as actividades previstas pola Coordinadora Galega da Marcha Mundial para este encontro.