Alén de ser un afamado cineasta, Fritz Lang, director de Metrópole amosou ao longo da súa vida un grande interés pola escultura. Agora, a Fundación Seoane recupera esta vertente do artista na mostra A escultura en Fritz Lang, unha exposición que achega á coruña obras orixinais deste autor, canda a imaxes dos seus filmes nos que se verifica a importancia da escultura.
Fetiches e máscaras, robots, ou a morte coma obxecto son algúns dos aspectos que trata a exposición, que tamén amosa debuxos e reproducións dalgunhas das pezas presentes nos filmes do alemán. A exposición pode verse na sede da Fundación, na Coruña, ata o vindeiro 16 de novembro.
