¿Como vai ser o museo do futuro? Aproveitamos a presenza en Santiago de destacados comisarios, artistas, críticos e investigadores no mundo da arte para preguntarlles cales van ser as claves nas que se teñen que mover os museos e centros de arte do futuro.
Serge Guilbaut, profesor de Historia da Arte na University of Britsh Columbia de Vancouver, o comisario de exposicións Juan de Nieves e a directora do Centre D´Art de La Panera estiveron presentes no marco do foro de debate Creación artística e identidades culturais que organiza o Consello da Cultura Galega para celebrar os seus XXV anos de existencia. Conversamos con eles sobre a situación e o contexto actual da arte desde o punto de vista do museo, do público e dos artistas. Hoxe, a primeira entrega: as claves dos museos do futuro.
