Unha exposición sobre a maxia abre a programación do MARCO ata final de ano

As relacións da arte coa maxia abren a primeira das exposición temporais do Museo de Arte Contemporánea de Vigo (MARCO) para este outono. Coproducida co Frankfurter Kunstverein confrontará o espectador non tanto co visible senón máis ben co sensual e co intuitivo a través de artistas como Jonathan Allen ou Roberto Cuoghi. Canda a esta mostra haberá o proxecto 7+1 Project Rooms, unha monográfica sobre Suso Fandiño, que se unirá aos proxectos didácticos para escolares así como aos cursos de adultos (de iniciación á arte contemporánea, sobre artistas da segunda metade do século XX e inicios do XXI...).