Cultura catalogará as embarcacións singulares do país para protexelas como patrimonio cultural

O director xeral de Patrimonio Cultural, Felipe Arias, anunciou hoxe en Vigo que a Consellería de Cultura vai elaborar un catálogo de "embarcacións tradicionais e históricas singulares" no que se recollerán todas aquelas "que constitúan un ben patrimonial a conservar". As embarcacións recollidas enste catálogo pasarán a formar parte do Inventario Xeral do Patrimonio Cultural de Galicia, e polo tanto terán o nivel de protección especificado. O proceso vai acometer por fases. Arias realizou estas declaracións no transcurso da xornada Análises e Perspectivas para o Recoñecemento do Valor Patrimonial, Preservación e Uso das Embarcacións Tradicionais, no que se analizan diferentes casos de protección do patrimonio marítimo.