A Deputación de Lugo promove a recuperación do patrimonio inmaterial da provincia

Recuperar o patrimonio inmaterial da provincia de Lugo. Este é o obxectivo do programa que presentaba esta mañá Antón Dobao, vicepresidente desde organismo. Manifestacións coma o oso de Salceda, o entroido riberao de Chantada, as fachas de Taboada e Vilelos, as danzas da Fervela ou o meco de Quiroga, son algunhas das manifestacións que se traballarán neste programa. Segundo explicou Dobao, a iniciativa, alén de documentar estas tradicións, quere "pór en valor e difundir a singularidade de determinados elementos do patrimonio inmaterial que son descoñecidos por gran parte da poboación e que, ademais do seu valor etnográfico, teñen un enorme potencial como atractivo turístico”.