O proxecto de recuperación do patrimonio inmaterial do sur de Lugo que a Deputación desta provincia leva desenvolvendo desde o pasado ano ten desde hoxe un novo pulo. Un investimento de 35.000 euros permitirá continuar coa documentación das festas de entroido deste zona ao longo de 2009. Entre outras iniciativas, dous bolseiros da Área de Cultura da Deputación realizarán pesquisas sobre este tema. A maiores, diferentes asociacións que xa traballan na recuperación de usos tradicionais, contarán con apoio para actividades coma a rehabilitación de vivendas e de locais ou a posta en valor de espazos públicos relacionados con estes costumes.
