“É unha presentación especial porque se trata dunha publicación singular” dixo Ramón Villares, presidente do Consello da Cultura Galega da obra Papés d´emprenta Condenada. É o volume que recolle os textos publicados en galego entre 1797 e 1846 que sirve de documentación do período pregaleguista. Ramón Mariño Paz, editor da publicación, explicaba que este traballo iniciado en 2002 ten utilidade para coñecer a historia da lingua e literatura galegas, a historia da prensa, e serve para o coñecemento da historia de Galicia. Ademais de compilar os textos orixinais, a publicación incorpora textos, fichas notas e notas introdutorias de cada un dos preto de setenta escritos.
