Carteis que retratan un país

Vender os atractivos dun país non é sinxelo, mais iso é o que pretende a publicidade turística. Galicia en cartel é unha mostra que xa pasou por Compostela, Buenos Aires, e Toulouse e recolle precisamente a evolución da imaxe que damos mediante este tipo de soporte desde os anos trinta. O comisario da mostra, o profesor de Xeografía da Universidade de Santiago Xosé Santos, explícanos en que xeito evoluíu a nosa imaxe na cartelaría e ata que punto está composta de tópicos.