Tres bailaríns completan en Ferrol o programa de Artistas en Residencia que promove Agadic

O Centro Cultural Torrente Ballester acolleu esta mañá a presentación de tres dos proxectos que fan parte do programa Artistas en Residencia, xurdido para promover a creación, investigación e experimentación na danza e as artes do movemento. Son Rosa Casado(Some things happen all at once), Félix Fernández (Subidón, saldos de un bazar familiar), e mais Estela Lloves e Tania Arias (Alicia en Grusia Proyect) que durante o mes de setembro desenvolverán o seu traballo neste centro ferrolán. O programa complétase con outras catro intervencións máis que terán lugar na Sala Galán de Santiago.