Non só as belezas naturais ou o patrimonio cultural poden ser focos de atracción turística. Sexa por curiosidade, morbo, ou simplemente porque hai gustos para todo, tamén os espazos degradados merecen na opinión de moitos unha visita. No noso país, non andamos escasos de lugares onde a acción humana deu en paraxes estraños: minas a ceo aberto, encoros, fábricas e outras accións dan lugar a paisaxes que, en ocasións semellan doutros mundos. Explora no noso mapa as paisaxes industriais máis destacadas.
