O premio Ferro Couselo queda deserto por falta de calidade dos traballos presentados

A falta de calidade dos traballos presentados ao premio de investigación Xesús Ferro Couselo foi determinante para que o xurado o declarase deserto nesta edición. Este certame premiaba con 4.000 euros as investigacións centradas nas especialidades de etnografía, paleografía, numismática, historia, arte ou arqueoloxía. O que si se entregou foi a segunda modalidade do premio, que recaeu por segundo ano consecutivo en Leoncio Feijoo Lamas polo seu proxecto”María da Medela: Valga na prensa galega: 1868-1965”. O premio consiste en 3.000 euros para a realización da investigación.