O Torrente Ballester contará cun espazo permanente para a fotografía

Baixo o nome de Zona 5 o vindeiro mes de setembro, o centro Torrente Ballester abrirá un espazo permanente destinado á fotografía. O obxectivo desta sala é promover e potenciar aos profesionais locais relacionados coa imaxe. O anuncio fíxoo a concelleira de Cultura, Yolanda Díaz, na inauguración da exposición Miradas emerxentes. Ademais, o centro contará cunha publicación dunha revista de arte de periodicidade trimestral que se presentará o vindeiro 14 de agosto.