Só un 12,8 por cento dos galegos teñen conexión por banda ancha

Malia a que no último ano medrou un 28,1% o número de liñas en activo, a conexión por banda ancha en Galicia é empregada só polo 12,8% da poboación. Estes son os datos que facía públicos onte a Comisión do Mercado das Telecomunicacións. En total son 354.130 as liñas deste tipo, que se reparten entre o 8,3% do total para conexións por liña ADSL e un 4,5% para o cabo. Ourense é a provincia cunha menor penetración desta tecnoloxía, con 9,6 liñas por cada cen habitantes, mentres A Coruña está a cabeza do país cun 14% de usuarios. A cifra sitúanos como a segunda comunidade con menos conexións do estado, que ten nun 17,7% a media de usuarios.