As canteiras do Courel deberán recuperar o seu contorno

Boa parte dos traballadores das explotacións de lousa do Courel reciclaranse nos proxectos de recuperación do contorno que deberán emprender as empresas que as xestionan. O Conselleiro de Medio Ambiente, Manuel Vázquez, anunciaba onte que o vindeiro mes de setembro presentará un plan piloto de recuperacion da zona. Vázquez mantivo a pasada semana unha xuntanza con representantes do sector na que se acordou que estas empresas deberán cumprir a lexislación e restaurar o contorno das minas á súa situación orixinal.