O programa Cultura Vai achega 281 actuacións a 134 concellos este verán

Teatro, monicreques, jazz, rock ou danza fan parte da proposta que a Consellaría de Cultura achegará a 134 concellos do país este verán. O programa Cultura Vai desenvolverá entre os meses de xullo e agosto 281 actuacións, con artistas coma Pablo Carpintero, Titirimaña, o mago Romarís, Paidacana, Rosa Cedrón ou o Trío Siboney entre moitos outros. A maior parte das propostas desenvolveranse en espazos abertos.