O proxecto Orixes percorrerá Galicia en dorna

O escultor Moncho Amigo e Antón Coira son os promotores da expedición Orixes. A iniciativa pretende percorrer en dorna as rías e cursos fluviais do país, rexistrando as diferentes viaxes mediante vídeos e fotogafías e rexistrando anécdotas e historias da experiencia. A proposta, que comezará remontando o río Umia, pretende visitar 40 cursos fluviais galegos a razón dun cada fin de semana. Os promotores apuntan que para cada unha das viaxes queren convidar un creador que comparta a experiencia e achegue unha obra ao proxecto.