As especies invasoras e a acumulación de lixo son as principais agresións que están a sufrir os ríos galegos. Segundo os datos do Proxecto Ríos, feitos públicos esta fin de semana, a saúde dos nosos cursos empiorou un 20% nos últimos 12 meses. Os ríos que atravesan núcleos de poboación son os que se atopan nunhas condicións máis degradadas, especialmente nas proximidades da súa desembocadura. Lagares (Vigo), Limia (Ourense) e Sar (Santiago de Compostela) son os pior conservados dos que analizou o proxecto.
