Aparecen inéditos de Pardo Bazán

Artigos xornalísticos descoñecidos, poesía inédita, unha compilación de obras teatrais, a publicación en rede de medio cento de cartas que a autora intercambiou con Pérez Galdós. Estas son algunhas das novidades que deixou o congreso internacional que se celebrou a pasada semana na Coruña encol de Emilia Pardo Bazán. Os máis de setenta especialistas que participaron neste encontro destacaron a vixencia da figura da escritora galega e o interese actual por investigar a súa obra.