Especialistas na obra de Pardo Bazán reúnense nun congreso na Coruña

A Coruña convértese desde hoxe en Marineda. Principalmente porque especialistas da obra de Emilia Pardo Bazán reúnense ata o venres na sede da Fundación Caixa Galicia para pór en común as súas investigacións sobre a escritora coruñesa. O contexto histórico e cultural, a iconografía, a educación e emancipación da muller son algúns dos temas que se analizarán estes días. O congreso, A literatura de Emilia Pardo Bazán, conta coa presenza de máis de 70 investigadores chegados de 45 universidades.