Nace a Irmandade Xurídica Galega para pular pola lingua na Xustiza

A Asociación de Funcionarios para a Normalización Lingüística vén de constituír a Irmandade Xurídica Galega, unha nova asociación que pretende impulsar o uso da lingua galega en todos os departamentos da Administración de Xustiza. O acto de inauguración, celebrado o sábado no Mosteiro de Celanova, incorporou aos vinte primeiros membros da asociación. Nos seus obxectivos está en reunir ao redor da promoción do galego na Xustiza a maxistrados, fiscais, notarios e persoal da Administración que traballan nos órganos xurisdiccionais en Galicia.