A Deputación de Pontevedra acolle o vindeiro 2 de xullo a IV Asemblea da Irmandade Xurídica Galega. No encontro incorporaranse 25 novos membros a este colectivo que defende a normalización da nosa lingua na xustiza. Ademais, renderase homenaxe a Fermín Bouza Brey, maxistrado da Audiencia Provincial de Pontevedra nos anos 50, cunha biografía a cargo de Clodio González Pérez. Don Santiago Torres Bernárdez, xuíz da Corte Internacional de Xustiza, recibirá a medalla de ouro desta entidade. A Irmandade Xurídica naceu hai catro anos no seo da Asociación de Funcionarios para a Normalización Lingüística e conta con máis de cen membros nas súas filas.
