As universidades galegas crean un mestrado en normalización lingüística

Os traballadores no ámbito da política lingüística contarán a partir do vindeiro ano cun título específico. As tres universidades galegas, co apoio da Secretaría Xeral de Política Lingüística poñen a andar o primeiro Mestrado de Política Lingüística e Planificación da Lingua, un proxecto que consta de sesenta créditos e que se poderá cursas nunha modalidade orientada á súa aplicación profesional e outra vencellada á investigación. O prazo de inscrición comeza o vindeiro mes de xullo, e o web da Coordinadora de Traballadores de Normalización Lingüística adianta o programa completo do curso.