Comeza en Vilalba o I Congreso Internacional de Arqueoloxía

Desde hoxe e ata o vindeiro día 14, Vilalba acolle o seu I Congreso Internacional de Arqueoloxía. O evento desenvolverase en oito sesións nas que se tratará desde métodos de investigación ata os problemas da musealización ou as peculiaridades de investigar diferentes épocas. Entre as diferentes intervencións, hai varias que analizarán depósitos galegos coma o Castro de Neixón, o de Elviña, as Gándaras de Budiño ou Punta Atalaia.