Ferrol acolle o V Congreso sobre Patrimonio Industrial

Experiencias de recuperación e documentación encol de patrimonio industrial en todo o Estado danse cita desde hoxe e ata o vindeiro día 28 no V Congreso Conservación do Patrimonio Industrial e da Obra Pública en España que se celebra en Ferrol. No encontro amosaranse diferentes experiencias de recuperación neste campo, coma as Minas de Fontao, en Vila de Cruces, e debateranse criterios de catalogación deste tipo de bens. No programa, canda ás intervencións dalgúns dos máis destacados especialistas do Estado neste campo, inclúense visitas a diferentes exemplos de patrimonio industrial en Galicia coma o muíño de Xuvia, o encoro de Portodemouros, as instalacións de ASTANO ou os arsenais militares de Ferrol entre outros.