O emprego dos blogs e de Internet na educación en campos tan dispares coma a cultura clásica, as bibliotecas escolares, a atención á diversidade ou a animación á lectura son algunhas das cuestións que se tratarán no III Encontro Edublogs 2008. A Facultade de Ciencias da Educación da Universidade de Santiago acolle entre hoxe e o vindeiro día 5 este encontro, no que participan experiencias de todo o Estado neste campo.
