Publícase no Diario Oficial a lei de creación de Agadic

Coa publicación no Diario Oficial de Galicia da Lei 4/2008, mañá entrará en vigor a Axencia Galega das Industrias Culturais. Un dos maiores cambios lexislativos no eido da cultura, que supón a conversión do actual IGAEM nunha axencia con maior independencia para promover a cultura pero desde un punto de vista económico. Agora, compételle ao Consello da Xunta aprobar a reestrutura orgánica da Dirección Xeral de Creación e Difusión Cultural, á que se adscribe esta unidade.