A Axencia Galega das Industrias Culturais (Agadic) xa ten director. Chámase Miguel Martín e ocupaba ata o momento o cargo de xerente do Instuto Galego das Artes Escénicas e Musicais, IGAEM, entidade que desaparece en prol de Agadic. Licenciado en Socioloxía, en Ciencias Políticas e diplomado en Administración e Dirección de Empresas pola UNED, Miguel Martín é o encargado de elaborar o proxecto de estatuto da Axencia, as súas normas de réxime interior e os centros e unidades adscritos.
