Agadic creará axudas automáticas para o sector audiovisual

Bolsas de formación e axudas automáticas. Estas son as principais novidades para o audiovisual galego por parte da Axencia Galega das Industrias Culturais (AGADIC). O balance foi anunciado por Miguel Martín, director da AGADIC o pasado venres, no marco dunha xornada informativa sobre as axudas da Comisión Europea. Ademais, Martín apuntou que o orzamento total para subvencións ao sector da Axencia para este 2009 ascende a 2.700.000 euros. A convocatoria prevese que saia publicado no DOG nos vindeiros días.