A destrución ameaza depósitos castrexos en distintos puntos do país. Dosier: Castros

A última alerta vén de Valdoviño, onde ADEGA denunciaba hai poucos días que maquinaria pesada está a traballar nos restos do Castro da Frouxeira. En Cervo, pola súa banda, unha urbanización afecta aos terreos do Castro da Atalia. A grande cantidade de restos deste tipo que se atopan no noso país provoca que sexan constante fonte de novas, ben polos ataques que sofren, ben polas iniciativas que os poñen en valor. Achegamos unha pequena guía para se orientar neste complexo mundo a partir dos recursos que temos no portal.